ಬೆಂಗಳೂರು ವಿಮಾನ ನಿಲ್ದಾಣ, ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ, ಎಸ್‌ಟಿಆರ್‌ಆರ್ ಟೋಲ್ ದರ ಏರಿಕೆ

ಬೆಂಗಳೂರು: ಏಪ್ರಿಲ್ 1ರಿಂದ ಬೆಂಗಳೂರಿನ ಪ್ರಮುಖ ಹೆದ್ದಾರಿಗಳಾದ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ (ಕೆಐಎ) ಮಾರ್ಗ, ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ ಮತ್ತು ಸ್ಯಾಟಲೈಟ್ ಟೌನ್ ರಿಂಗ್ ರಸ್ತೆ (ಎಸ್‌ಟಿಆರ್‌ಆರ್) ಮೂಲಕ ಪ್ರಯಾಣಿಸುವವರಿಗೆ ಹೆಚ್ಚಿದ ಟೋಲ್ ದರಗಳನ್ನು ಪಾವತಿಸಬೇಕಾಗುತ್ತದೆ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್‌ಎಚ್‌ಎಐ) ಟೋಲ್ ದರಗಳನ್ನು ಶೇಕಡಾ 3 ರಿಂದ 5 ರಷ್ಟು ಹೆಚ್ಚಿಸುವುದಾಗಿ ಘೋಷಿಸಿದೆ.

Contents

ಸಾದಹಳ್ಳಿ ಟೋಲ್ ಪ್ಲಾಜಾದಲ್ಲಿ ಟೋಲ್ ದರಗಳು ಎಸ್‌ಟಿಆರ್‌ಆರ್ (ಸ್ಯಾಟಲೈಟ್ ಟೌನ್ ರಿಂಗ್ ರಸ್ತೆ) ಟೋಲ್ ದರಗಳು ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ ಟೋಲ್ ದರ ಹೆಚ್ಚಳ ಟೋಲ್ ದರ ಏರಿಕೆ ಎಕೆ?

ಸಾದಹಳ್ಳಿ ಟೋಲ್ ಪ್ಲಾಜಾದಲ್ಲಿ ಟೋಲ್ ದರಗಳು

ಬೆಂಗಳೂರಿನಿಂದ ಕೆಐಎಗೆ ಸಂಪರ್ಕ ಕಲ್ಪಿಸುವ ಪ್ರಮುಖ ಟೋಲ್ ಪ್ಲಾಜಾ ಆಗಿರುವ ಸಾದಹಳ್ಳಿಯಲ್ಲಿ ದರಗಳು ಹೆಚ್ಚಾಗಿವೆ:

ಕಾರುಗಳು: ಒಂದು ಟ್ರಿಪ್ ₹120 (ಹಿಂದಿನ ₹115), ರಿಟರ್ನ್ ಪ್ರಯಾಣ ₹180 (ಹಿಂದಿನ ₹170)
ಲಘು ವಾಣಿಜ್ಯ ವಾಹನಗಳು ಮತ್ತು ಮಿನಿ ಬಸ್ ಗಳು: ಒಂದು ಟ್ರಿಪ್ ₹185, ರಿಟರ್ನ್ ₹275
ಟ್ರಕ್ ಗಳು ಮತ್ತು ಪೂರ್ಣ ಗಾತ್ರದ ಬಸ್ಸುಗಳು: ಒಂದು ಟ್ರಿಪ್ ₹370 (₹15 ಹೆಚ್ಚಳ), ರಿಟರ್ನ್ ₹550 (₹15 ಹೆಚ್ಚಳ)
ಕಾರುಗಳಿಗೆ ಮಾಸಿಕ ಪಾಸ್ (50 ಟ್ರಿಪ್): ₹3,970

2023-24ರಲ್ಲಿ, ಸಾದಹಳ್ಳಿ ಟೋಲ್ ಪ್ಲಾಜಾ ₹308 ಕೋಟಿ ಆದಾಯವನ್ನು ಗಳಿಸಿದ್ದು, ಕಳೆದ ದಶಕದಲ್ಲಿ ₹1,577 ಕೋಟಿ ಸಂಗ್ರಹಿಸಿದೆ. ಇದು ಕರ್ನಾಟಕದ ಅತ್ಯಧಿಕ ಆದಾಯ ಪಡೆಯುವ ಟೋಲ್ ಪ್ಲಾಜಾಗಾಗಿದೆ.

ಎಸ್‌ಟಿಆರ್‌ಆರ್ (ಸ್ಯಾಟಲೈಟ್ ಟೌನ್ ರಿಂಗ್ ರಸ್ತೆ) ಟೋಲ್ ದರಗಳು

ದಾಬಸ್ ಪೇಟೆಯಿಂದ ಹೊಸಕೋಟೆಗೆ ಸಂಪರ್ಕ ಕಲ್ಪಿಸುವ ಎಸ್‌ಟಿಆರ್‌ಆರ್ ಬಳಸುವ ವಾಹನಗಳಿಗೆ ನಲ್ಲೂರು-ದೇವನಹಳ್ಳಿ ಮತ್ತು ಹುಲಿಕುಂಟೆ ಟೋಲ್ ಪ್ಲಾಜಾಗಳಲ್ಲಿ ಹೆಚ್ಚಿದ ದರಗಳು ಅನ್ವಯವಾಗಲಿವೆ:

ಕಾರುಗಳು ಮತ್ತು ಎಲ್ಸಿವಿಗಳು: ಒಂದು ಟ್ರಿಪ್ ₹5, ರಿಟರ್ನ್ ₹10
ಬಸ್: ಒಂದು ಟ್ರಿಪ್ ₹10, ರಿಟರ್ನ್ ₹20
ಮಾಸಿಕ ಕಾರ್ ಪಾಸ್: ನಲ್ಲೂರು-ದೇವನಹಳ್ಳಿಯಲ್ಲಿ ₹2,815, ಹುಲಿಕುಂಟೆಯಲ್ಲಿ ₹3,615
ಸ್ಥಳೀಯ ಪಾಸ್: ₹350 (ಬದಲಾವಣೆ ಇಲ್ಲ)

ಎಸ್‌ಟಿಆರ್‌ಆರ್ ಯೋಜನೆ ಭಾರತ್ ಮಾಲಾ ಪರಿಯೋಜನೆಯ ಭಾಗವಾಗಿದ್ದು, ಬೆಂಗಳೂರಿನಿಂದ ಹೊಸಕೋಟೆ ಮಾರ್ಗವಾಗಿ ಚೆನ್ನೈ ಎಕ್ಸ್ಪ್ರೆಸ್ವೇಯೊಂದಿಗೆ ಸಂಪರ್ಕ ಕಲ್ಪಿಸುತ್ತದೆ.

ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ ಟೋಲ್ ದರ ಹೆಚ್ಚಳ

ಈ ಹೆದ್ದಾರಿಯಲ್ಲಿ ಏಪ್ರಿಲ್ 1ರಿಂದ ಟೋಲ್ ದರ 5 ರಿಂದ 10 ರೂಪಾಯಿವರೆಗೆ ಹೆಚ್ಚಳವಾಗಲಿದೆ. ಅಧಿಕಾರಿಗಳು ಪ್ರವೇಶ ಮತ್ತು ನಿರ್ಗಮನ ಸ್ಥಳಗಳಲ್ಲಿ ಟೋಲ್ ಬೂತ್‌ಗಳನ್ನು ಸ್ಥಾಪಿಸುವ ಬಗ್ಗೆ ಚಿಂತನೆ ನಡೆಸುತ್ತಿದ್ದು, ಪ್ರಯಾಣಿಸಿದ ದೂರದ ಆಧಾರದ ಮೇಲೆ ಶುಲ್ಕ ಪಾವತಿಸುವ ವ್ಯವಸ್ಥೆಯನ್ನು ಕಲ್ಪಿಸುವ ಸಾಧ್ಯತೆಯಿದೆ.

ಟೋಲ್ ದರ ಏರಿಕೆ ಎಕೆ?

ಪ್ರತಿಯೊಂದು ವರ್ಷದಂತೆ, ಈ ವರ್ಷವೂ ಟೋಲ್ ದರಗಳಲ್ಲಿ ಶೇಕಡಾ 3-5ರಷ್ಟು ಏರಿಕೆ ಜಾರಿಗೊಳ್ಳಲಿದೆ. ಮುಂದಿನ ದಿನಗಳಲ್ಲಿ ತುಮಕೂರು ರಸ್ತೆ ಮತ್ತು ಬೆಂಗಳೂರು-ಕೋಲಾರ ಹೆದ್ದಾರಿಯಲ್ಲೂ ಟೋಲ್ ದರ ಹೆಚ್ಚಳ ನಿರೀಕ್ಷಿಸಲಾಗಿದೆ.