RBI ರೆಪೋ ದರ ಶೇ.6ಕ್ಕೆ ಇಳಿಕೆ

– ಮನೆ, ವಾಹನ ಹಾಗೂ ವೈಯಕ್ತಿಕ ಸಾಲದ EMI ಗಳು ಕಡಿಮೆಯಾಗುವ ಸಾಧ್ಯತೆ

ಭಾರತೀಯ ರಿಸರ್ವ್ ಬ್ಯಾಂಕ್ (RBI) ತನ್ನ ಏಪ್ರಿಲ್ 2025ರ ಹಣಕಾಸು ನೀತಿ ಸಮಿತಿ (MPC) ಸಭೆಯ ಬಳಿಕ ರೆಪೋ ದರವನ್ನು ಶೇ.6.25ರಿಂದ ಶೇ.6ಕ್ಕೆ ಇಳಿಸುವ ಮಹತ್ವದ ನಿರ್ಧಾರವನ್ನು ಪ್ರಕಟಿಸಿದೆ. ಬುಧವಾರ (ಏಪ್ರಿಲ್ 9) ನಡೆದ ಸುದ್ದಿಗೋಷ್ಠಿಯಲ್ಲಿ ಆರ್‌ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ಈ ವಿಷಯವನ್ನು ತಿಳಿಸಿದರು.

ಸಾಲಗಾರರಿಗೆ ಸಂತಸದ ಸುದ್ದಿ:

ರೆಪೋ ದರ ಇಳಿಕೆಯಿಂದ ಮನೆ, ಕಾರು ಹಾಗೂ ವೈಯಕ್ತಿಕ ಸಾಲಗಳ EMI ಗಳು ಕಡಿಮೆಯಾಗಲಿವೆ. ಇದರಿಂದ ಹೊಸ ಹಾಗೂ ಹಳೆಯ ಸಾಲಗಾರರು ಎರಡು ಭಾಗಿ ಲಾಭ ಪಡೆಯುವ ಸಾಧ್ಯತೆ ಇದೆ. EMI ಪಾವತಿಸುವವರ ಮೇಲಿರುವ ಬಡ್ಡಿದರದ ಭಾರ ಇನ್ನು ಮುಂದೆ ಸ್ವಲ್ಪ ಕಡಿಮೆಯಾಗಲಿದೆ.

ನಿರ್ಧಾರ ಹೇಗೆ ನಡೆದಿದೆ?

ಏಪ್ರಿಲ್ 8 ಮತ್ತು 9ರಂದು ನಡೆದ ಮಾನಿಟರಿ ಪಾಲಿಸಿ ಸಮಿತಿಯ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಯಿತು. RBI ನಿರಂತರವಾಗಿ ಹಣದುಬ್ಬರ ನಿಯಂತ್ರಣ ಹಾಗೂ ಆರ್ಥಿಕ ಬೆಳವಣಿಗೆಯನ್ನು ಗಮನದಲ್ಲಿಟ್ಟುಕೊಂಡು ರೆಪೋ ದರವನ್ನು ಸಮೀಕ್ಷೆ ಮಾಡುತ್ತದೆ. ಇದೇ ವರ್ಷ ಫೆಬ್ರವರಿಯಲ್ಲಿ ಕೂಡ ಶೇ.6.50ರಿಂದ ಶೇ.6.25ಕ್ಕೆ 25 ಬೇಸಿಸ್ ಪಾಯಿಂಟ್ ಕಡಿತಗೊಳಿಸಿತ್ತು. ಈಗ ಮತ್ತೊಮ್ಮೆ ಶೇ.6ಕ್ಕೆ ಇಳಿಸಲಾಗಿದೆ.

ರೆಪೋ ದರ ಎಂದರೇನು?

ರೆಪೋ ದರ (Repo Rate) ಎಂದರೆ ಬ್ಯಾಂಕುಗಳು RBIಯಿಂದ ತಾತ್ಕಾಲಿಕವಾಗಿ ಹಣ ಪಡೆಯುವಾಗ ವಿಧಿಸುವ ಬಡ್ಡಿದರ. ಬ್ಯಾಂಕುಗಳು ಸರ್ಕಾರಿ ಬಾಂಡ್ ಅಥವಾ ಬೇರೆ ಭದ್ರತೆಗಳನ್ನು RBIಯಲ್ಲಿ ಅಡವಿಟ್ಟು ಹಣ ಪಡೆದುಕೊಳ್ಳುತ್ತವೆ. ಈ ಹಣಕ್ಕೆ ವಿಧಿಸುವ ಬಡ್ಡಿದರವೇ ರೆಪೋ ದರ.

ರೆಪೋ ದರ ಏರಿಕೆ-ಕಡಿತದ ಪರಿಣಾಮ:

• ರೆಪೋ ದರ ಏರಿಕೆ → ಸಾಲಗಳು ದುಬಾರಿ, ಠೇವಣಿಗಳ ಬಡ್ಡಿ ಹೆಚ್ಚು
• ರೆಪೋ ದರ ಇಳಿಕೆ → ಸಾಲಗಳು ಅಗ್ಗ, EMI ಕಡಿಮೆ, ಠೇವಣಿಗಳ ಬಡ್ಡಿ ಕಡಿಮೆ

RBI ಯ ನಿರ್ಧಾರದ ಪರಿಣಾಮ:

• ಗೃಹ ಸಾಲ (Home Loan)
• ವಾಹನ ಸಾಲ (Vehicle Loan)
• ವೈಯಕ್ತಿಕ ಸಾಲ (Personal Loan) ಇವುಗಳ EMI ಗಳು ಕಡಿಮೆಯಾಗಲಿವೆ.

ಕೇಂದ್ರ ಬ್ಯಾಂಕಿನ ದೃಷ್ಠಿಕೋಣ:

ಹಣದುಬ್ಬರದ ಮಟ್ಟ, ಆರ್ಥಿಕ ಬೆಳವಣಿಗೆ, ಜಾಗತಿಕ ಪರಿಸ್ಥಿತಿ ಮತ್ತು ಬಡ್ಡಿದರಗಳ ಹಂಗವನ್ನು ಪರಿಗಣಿಸಿ RBI ನಿರ್ಧಾರವನ್ನು ತೆಗೆದುಕೊಂಡಿದೆ.

• 
  ಅಜವಾನ ಅಜೀರ್ಣಕ್ಕೆ ಪ್ರಕೃತಿ ನೀಡಿದ ವರದಾನ
• 
  ಹೀಗೆ ಬಂದು ಹಾಗೆ ಹೋಗುವ ಸ್ನೇಹ ಸಾವಿರ
• 
  ಐಟಿ ದಾಳಿ ಭೀತಿ: ಕಾನ್ಫಿಡೆಂಟ್ ಅಧ್ಯಕ್ಷ ಡಾ.ಸಿ.ಜೆ.ರಾಯ್ ಆತ್ಮಹತ್ಯೆ
• 
  ಅಕ್ರಮ ವಲಸಿಗರ ಪತ್ತೆ–ಗಡಿಪಾರಿಗೆ ವಿಶೇಷ ತಂಡ ರಚನೆ: ರಾಜ್ಯ ಸರ್ಕಾರ
• 
  ತಿರುಪತಿ ಲಡ್ಡು ಕಲಬೆರಕೆ ಪ್ರಕರಣ: ₹234 ಕೋಟಿ ವಂಚನೆ ಬಯಲು