ನವದೆಹಲಿ: ಇಂದು (ಜುಲೈ 22, 2025) ಬೆಳಗಿನ ಜಾವ ದೆಹಲಿ ಮತ್ತು ಹರಿಯಾಣದಲ್ಲಿ ಭೂಕಂಪ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 3.2 ತೀವ್ರತೆಯ ಭೂಕಂಪವಾಗಿದ್ದು, ಇದರ ಕೇಂದ್ರಬಿಂದುವಾಗಿ ಹರಿಯಾಣದ ಫರಿದಾಬಾದ್ ಗುರುತಿಸಲಾಗಿದೆ.
ಭೂಕಂಪ ಸಂಬಂಧಿ ಮಾಹಿತಿ ನೀಡಿದ ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (NCS) X (ಹಳೆಯ ಟ್ವಿಟರ್) ನಲ್ಲಿ ಹಂಚಿಕೊಂಡ ಮಾಹಿತಿ ಪ್ರಕಾರ, “ಭೂಕಂಪದ ತೀವ್ರತೆ: 3.2, ದಿನಾಂಕ: 22/07/2025, ಸಮಯ: ಬೆಳಿಗ್ಗೆ 06:00:28 IST, ಅಕ್ಷಾಂಶ: 28.29°N, ರೇಖಾಂಶ: 77.21°E, ಆಳ: 5 ಕಿ.ಮೀ, ಸ್ಥಳ: ಫರಿದಾಬಾದ್, ಹರಿಯಾಣ” ಎಂದು ದಾಖಲಿಸಲಾಗಿದೆ.
ಭೂಕಂಪನದ ಅನುಭವ ದೆಹಲಿ-NCR ಭಾಗದಲ್ಲೂಗೊಂಡಿದ್ದು, ಈಗಾಗಲೇ ಸ್ಥಳೀಯ ಜನರಲ್ಲಿ ಕೆಲವು ಕಾಲ ಆತಂಕ ಸೃಷ್ಟಿಯಾಗಿದೆ. ಆದಾಗ್ಯೂ, ಈ ಭೂಕಂಪದಿಂದ ಯಾವುದೇ ಜೀವಹಾನಿ ಅಥವಾ ಆಸ್ತಿಪಾಸ್ತಿಗೆ ನಷ್ಟವಾಗಿದೆ ಎಂಬ ವರದಿಗಳು ಇನ್ನಷ್ಟೆ ಬಂದಿಲ್ಲ.
ಇದನ್ನು ಓದಿ –ಅಕ್ರಮ ಬೆಟ್ಟಿಂಗ್ ಆ್ಯಪ್ ಪ್ರಕರಣ: ನಟ ಪ್ರಕಾಶ್ ರಾಜ್ ಸೇರಿ 4 ಜನ ಸೆಲೆಬ್ರಿಟಿಗಳಿಗೆ ಇ.ಡಿ ಸಮನ್ಸ್
ಭೂಕಂಪವು ಭೂಮಿಯ ಮೇಲ್ಮೈಯಿಂದ ಕೇವಲ 5 ಕಿ.ಮೀ ಆಳದಲ್ಲಿ ಸಂಭವಿಸಿದ್ದರಿಂದ ಅದರ ತೀವ್ರತೆ ಕಡಿಮೆ ಆದರೂ ಕೆಲವೊಂದು ಪ್ರದೇಶಗಳಲ್ಲಿ ಲಘು ಕಂಪನಗಳು ಅನಿಸಿವೆ. ಭೂಕಂಪದ ಸ್ಥಳೀಯ ಪ್ರಭಾವಗಳ ಕುರಿತು ಇನ್ನಷ್ಟು ಮಾಹಿತಿ ನಿರೀಕ್ಷಿಸಲಾಗಿದೆ.
