ನವದೆಹಲಿ: ಜೂನ್ 21ರಂದು ನಡೆಯಲಿರುವ 11ನೇ ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಸಂದರ್ಭದಲ್ಲಿ, ಪ್ರಧಾನಮಂತ್ರಿ ನರೇಂದ್ರ ಮೋದಿ ವಿಶಾಖಪಟ್ಟಣಂನಲ್ಲಿ ಸುಮಾರು ಐದು ಲಕ್ಷ ಜನರೊಂದಿಗೆ ಸಮೂಹ ಯೋಗದಲ್ಲಿ ಭಾಗವಹಿಸಲಿದ್ದಾರೆ. ಈ ಬೃಹತ್ ಕಾರ್ಯಕ್ರಮವು ಕಡಲತೀರದಲ್ಲಿ ನಡೆಯಲಿದ್ದು, ಇದು ವಿಶ್ವದಾದ್ಯಂತ ಯೋಗದ ಪ್ರಚಾರಕ್ಕೆ ಮಹತ್ವದ ಹೆಜ್ಜೆಯಾಗಲಿದೆ.
ಯೋಗ ದಿನದ ಹಿನ್ನೆಲೆ
ಯೋಗ ದಿನದ ಆಲೋಚನೆ ಪ್ರಧಾನಿ ಮೋದಿ ಅವರಿಂದ ಆರಂಭವಾದದ್ದು. 2014ರ ಸೆಪ್ಟೆಂಬರ್ನಲ್ಲಿ ಅವರು ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಯೋಗದ ಮಹತ್ವವನ್ನು ವಿವರಿಸಿದರು. ಅದನ್ನು ಅನುಮೋದಿಸಿದ ವಿಶ್ವಸಂಸ್ಥೆ, ಡಿಸೆಂಬರ್ 11, 2014ರಂದು ಜೂನ್ 21ರನ್ನೇ ಯೋಗ ದಿನಾಚರಣೆಗೆ ಘೋಷಿಸಿತು. 177 ದೇಶಗಳು ಬೆಂಬಲಿಸಿದ ಈ ನಿರ್ಧಾರ ವಿಶ್ವಮಟ್ಟದಲ್ಲಿ ಚರಿತ್ರೆಯಾದರು.
Contents
- ನವದೆಹಲಿ: ಜೂನ್ 21ರಂದು ನಡೆಯಲಿರುವ 11ನೇ ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಸಂದರ್ಭದಲ್ಲಿ, ಪ್ರಧಾನಮಂತ್ರಿ ನರೇಂದ್ರ ಮೋದಿ ವಿಶಾಖಪಟ್ಟಣಂನಲ್ಲಿ ಸುಮಾರು ಐದು ಲಕ್ಷ ಜನರೊಂದಿಗೆ ಸಮೂಹ ಯೋಗದಲ್ಲಿ ಭಾಗವಹಿಸಲಿದ್ದಾರೆ. ಈ ಬೃಹತ್ ಕಾರ್ಯಕ್ರಮವು ಕಡಲತೀರದಲ್ಲಿ ನಡೆಯಲಿದ್ದು, ಇದು ವಿಶ್ವದಾದ್ಯಂತ ಯೋಗದ ಪ್ರಚಾರಕ್ಕೆ ಮಹತ್ವದ ಹೆಜ್ಜೆಯಾಗಲಿದೆ.
- ಯೋಗ ದಿನದ ಹಿನ್ನೆಲೆ
- ಯೋಗ ದಿನದ 2024ರ ಥೀಮ್
- ಯೋಗದ ಮಹತ್ವ
- ಯೋಗ ದಿನಕ್ಕೆ ಜೂನ್ 21 ಆಯ್ಕೆ ಯಾಕೆ?
ಯೋಗ ದಿನದ 2024ರ ಥೀಮ್
ಈ ವರ್ಷದ ಅಂತರರಾಷ್ಟ್ರೀಯ ಯೋಗ ದಿನದ ಥೀಮ್: “ಮಹಿಳಾ ಸಬಲೀಕರಣಕ್ಕಾಗಿ ಯೋಗ“. ಈ ಥೀಮ್ ಮಹಿಳೆಯರಲ್ಲಿ ಆರೋಗ್ಯದ ಅರಿವು ಮೂಡಿಸಿ, ಸಂತೋಷದ ಜೀವನದತ್ತ ಪ್ರೇರೇಪಿಸಲು ಉದ್ದೇಶಿಸಿದೆ. ವಿಶ್ವದಾದ್ಯಂತ ಈ ಥೀಮ್ ಆಧಾರಿತ ಕಾರ್ಯಕ್ರಮಗಳು ನಡೆಯಲಿವೆ.
ಯೋಗದ ಮಹತ್ವ
- ಯೋಗವು ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಬಹುಮಟ್ಟಿಗೆ ಲಾಭದಾಯಕ.
- ಇದು ದೇಹದಿಂದ ರೋಗಗಳನ್ನು ದೂರವಿಡುತ್ತದಷ್ಟೇ ಅಲ್ಲ, ಮನಸ್ಸಿಗೆ ಶಾಂತಿ ನೀಡುತ್ತದೆ.
- ಯೋಗವು ಭಾರತದಲ್ಲಿ ಶತಮಾನಗಳಿಂದ ಸಂಸ್ಕೃತಿಯ ಭಾಗವಾಗಿದ್ದು, ಸಾಂಸ್ಕೃತಿಕ ಏಕತೆಗೆ ಪ್ರೇರಕವಾಗಿದೆ.
- ಇಂದಿನ ದಿನಗಳಲ್ಲಿ ಯೋಗವು ಜಾಗತಿಕ ಮಟ್ಟದಲ್ಲಿ ಭಾರತದ ಗುರುತ್ವವನ್ನು ಹೆಚ್ಚಿಸಿದೆ.
ಇದನ್ನು ಓದಿ –ಚಿನ್ನದ ಬೆಲೆ ಇಳಿಕೆ – ಖರೀದಿಗೆ ಇದೇ ಉತ್ತಮ ಸಮಯ!
ಯೋಗ ದಿನಕ್ಕೆ ಜೂನ್ 21 ಆಯ್ಕೆ ಯಾಕೆ?
ಜೂನ್ 21ನೇ ತಾರೀಕು ವರ್ಷದ ಅತಿ ಉದ್ದದ ದಿನವಾಗಿದ್ದು, ಇದರ ನಂತರ ಸೂರ್ಯ ದಕ್ಷಿಣಾಯನಕ್ಕೆ ಪ್ರವೇಶಿಸುತ್ತಾನೆ. ಆಧ್ಯಾತ್ಮ ಹಾಗೂ ಶಕ್ತಿಯ ಪ್ರತಿಕವಾಗಿ ಈ ದಿನವನ್ನೇ ಯೋಗದ ದಿನವಾಗಿ ಆಯ್ಕೆ ಮಾಡಲಾಗಿದೆ.
