ಬೆಂಗಳೂರು, ಅಕ್ಟೋಬರ್ 16: ಮಧುಮೇಹಿಗಳಿಗಾಗಿ ಕರ್ನಾಟಕ ಸಹಕಾರಿ ಹಾಲು ಉತ್ಪಾದಕರ ಮಹಾಮಂಡಳಿ (ಕೆಎಂಎಫ್) ತನ್ನ ನಂದಿನಿ ಬ್ರ್ಯಾಂಡ್ ಅಡಿಯಲ್ಲಿ ಸಕ್ಕರೆ ರಹಿತ ಸಿಹಿತಿಂಡಿಗಳನ್ನು ಬಿಡುಗಡೆ ಮಾಡಿದೆ. ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ, ಆರೋಗ್ಯ ಕಾಳಜಿಯ ಗ್ರಾಹಕರಿಗೆ ಉಡುಗೊರೆಯಾಗಿ ಈ ನಂದಿನಿ ಶುಗರ್ ಫ್ರೀ ಸಿಹಿತಿಂಡಿಗಳು ಮಾರುಕಟ್ಟೆಗೆ ಲಭ್ಯವಾಗುತ್ತಿವೆ.
ಕೆಎಂಎಫ್ ವ್ಯವಸ್ಥಾಪಕ ನಿರ್ದೇಶಕ ಬಿ. ಶಿವಸ್ವಾಮಿ ಅವರು ತಿಳಿಸಿದ್ದಾರೆ — “ಆರೋಗ್ಯದ ಬಗ್ಗೆ ಜನರಲ್ಲಿ ಜಾಗೃತಿ ಹೆಚ್ಚುತ್ತಿರುವ ಈ ಸಮಯದಲ್ಲಿ, ಸಕ್ಕರೆ ರಹಿತ ಸಿಹಿತಿಂಡಿಗಳ ಬೇಡಿಕೆ ವೇಗವಾಗಿ ಏರಿದೆ. ಮಧುಮೇಹಿಗಳಿಗೆ ಪ್ರಯೋಜನಕಾರಿ ಹಾಗೂ ಆರೋಗ್ಯಕರ ಉತ್ಪನ್ನಗಳ ಅಗತ್ಯವನ್ನು ಪೂರೈಸಲು ನಂದಿನಿ ಶುಗರ್ ಫ್ರೀ ಸಿಹಿತಿಂಡಿಗಳನ್ನು ಪರಿಚಯಿಸಲಾಗಿದೆ,” ಎಂದರು.
- ಬೆಂಗಳೂರು, ಅಕ್ಟೋಬರ್ 16: ಮಧುಮೇಹಿಗಳಿಗಾಗಿ ಕರ್ನಾಟಕ ಸಹಕಾರಿ ಹಾಲು ಉತ್ಪಾದಕರ ಮಹಾಮಂಡಳಿ (ಕೆಎಂಎಫ್) ತನ್ನ ನಂದಿನಿ ಬ್ರ್ಯಾಂಡ್ ಅಡಿಯಲ್ಲಿ ಸಕ್ಕರೆ ರಹಿತ ಸಿಹಿತಿಂಡಿಗಳನ್ನು ಬಿಡುಗಡೆ ಮಾಡಿದೆ. ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ, ಆರೋಗ್ಯ ಕಾಳಜಿಯ ಗ್ರಾಹಕರಿಗೆ ಉಡುಗೊರೆಯಾಗಿ ಈ ನಂದಿನಿ ಶುಗರ್ ಫ್ರೀ ಸಿಹಿತಿಂಡಿಗಳು ಮಾರುಕಟ್ಟೆಗೆ ಲಭ್ಯವಾಗುತ್ತಿವೆ.
- ಲಭ್ಯವಿರುವ ಶುಗರ್ ಫ್ರೀ ಸಿಹಿತಿಂಡಿಗಳು ಮತ್ತು ಬೆಲೆಗಳು:
- ಜಿಎಸ್ಟಿ ಪರಿಷ್ಕರಣೆ ಬಳಿಕ ನಂದಿನಿ ಉತ್ಪನ್ನ ದರ ಇಳಿಕೆ:
ಲಭ್ಯವಿರುವ ಶುಗರ್ ಫ್ರೀ ಸಿಹಿತಿಂಡಿಗಳು ಮತ್ತು ಬೆಲೆಗಳು:
- ನಂದಿನಿ ಖೋವಾ ಗುಲಾಬ್ ಜಾಮೂನ್ (ಸಕ್ಕರೆ ರಹಿತ) – 500 ಗ್ರಾಂ ಪ್ಯಾಕ್ ₹220
- ನಂದಿನಿ ಶುದ್ಧ ಪೇಡಾ (ಸಕ್ಕರೆ ರಹಿತ) – 200 ಗ್ರಾಂ ಪ್ಯಾಕ್ ₹170
- ನಂದಿನಿ ಬೆಲ್ಲ ಓಟ್ಸ್ ಮತ್ತು ಬೀಜ ಬರ್ಫಿ – 200 ಗ್ರಾಂ ಪ್ಯಾಕ್ ₹170
ಈ ಎಲ್ಲಾ ಉತ್ಪನ್ನಗಳು ಶುದ್ಧ, ರುಚಿಕರ ಮತ್ತು ಕೈಗೆಟುಕುವ ಬೆಲೆಯಲ್ಲಿದ್ದು, ನಂದಿನಿಯ ಗುಣಮಟ್ಟದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತವೆ ಎಂದು ಕೆಎಂಎಫ್ ತಿಳಿಸಿದೆ.
ದಸರಾ ಹಬ್ಬದ ಸಮಯದಲ್ಲಿ ನಂದಿನಿ ಸಿಹಿತಿಂಡಿಗಳ ಮಾರಾಟವು 750 ಮೆಟ್ರಿಕ್ ಟನ್ಗಳನ್ನು ದಾಟಿದ್ದು, ಗ್ರಾಹಕರ ವಿಶ್ವಾಸ ಮತ್ತು ಬ್ರ್ಯಾಂಡ್ನ ಗುಣಮಟ್ಟದ ಪ್ರಾಮಾಣಿಕತೆಯನ್ನು ತೋರಿಸುತ್ತದೆ ಎಂದು ಸಂಸ್ಥೆ ತಿಳಿಸಿದೆ.
ಜಿಎಸ್ಟಿ ಪರಿಷ್ಕರಣೆ ಬಳಿಕ ನಂದಿನಿ ಉತ್ಪನ್ನ ದರ ಇಳಿಕೆ:
ಇತ್ತೀಚೆಗೆ ಜಿಎಸ್ಟಿ ಸುಧಾರಣೆಗಳ ಹಿನ್ನೆಲೆಯಲ್ಲಿ ಕೆಎಂಎಫ್ ತನ್ನ 21 ಹಾಲು ಉತ್ಪನ್ನಗಳ ಬೆಲೆಪಟ್ಟಿಯನ್ನು ಪರಿಷ್ಕರಿಸಿದೆ.ಇದನ್ನು ಓದಿ –ಶೀಘ್ರದಲ್ಲೇ 18,000 ಶಿಕ್ಷಕ ,ಉಪನ್ಯಾಸಕರ ನೇಮಕಾತಿ: ಮಧು ಬಂಗಾರಪ್ಪ
- ತುಪ್ಪ (1000 ಮಿಲಿ) – ₹650ರಿಂದ ₹610ಕ್ಕೆ ಇಳಿಕೆ
- ಉಪ್ಪುರಹಿತ ಬೆಣ್ಣೆ (500 ಗ್ರಾಂ) – ₹305ರಿಂದ ₹286ಕ್ಕೆ ಇಳಿಕೆ
- ಚೀಸ್ ಬ್ಲಾಕ್ (1 ಕೆಜಿ) – ₹530ರಿಂದ ₹497ಕ್ಕೆ ಇಳಿಕೆ
ಈ ಬೆಲೆ ಪರಿಷ್ಕರಣೆಗಳಿಂದ ಗ್ರಾಹಕರು ನಂದಿನಿ ಉತ್ಪನ್ನಗಳನ್ನು ಇನ್ನಷ್ಟು ಕೈಗೆಟುಕುವ ದರದಲ್ಲಿ ಪಡೆಯಲು ಸಾಧ್ಯವಾಗಿದೆ.
