ನವದೆಹಲಿ: 25 ವರ್ಷಗಳ ಬಳಿಕ ಮೊದಲ ಬಾರಿಗೆ ಅಪರೂಪದ ಮೆದುಳಿನ ಕ್ಯಾನ್ಸರ್ ಚಿಕಿತ್ಸೆಗೆ ಹೊಸ ಔಷಧ ಭಾರತದಲ್ಲಿ ಲಭ್ಯವಾಗುತ್ತಿದೆ. ಕೇಂದ್ರ ಔಷಧ ಗುಣಮಟ್ಟ ನಿಯಂತ್ರಣ ಸಂಘಟನೆಯಾದ CDSCO, ವೊರಾಸಿನಿಬ್ (ವೊರಾನಿಗೊ) ಎಂಬ ಔಷಧವನ್ನು ಭಾರತದಲ್ಲಿ ಮಾರಾಟ ಮಾಡಲು ಸರ್ವಿಯರ್ ಇಂಡಿಯಾಗೆ ಅನುಮೋದನೆ ನೀಡಿದೆ.
ಕಳೆದ ವರ್ಷದ ಆಗಸ್ಟ್ನಲ್ಲಿ ಈ ಔಷಧಕ್ಕೆ ಅಮೆರಿಕದ FDA ಅನುಮೋದನೆ ದೊರೆತಿತ್ತು. ಗ್ರೇಡ್–2 IDH ರೂಪಾಂತರಿತ ಗ್ಲಿಯೊಮಾ ಇರುವ 12 ವರ್ಷಕ್ಕಿಂತ ಮೇಲ್ಪಟ್ಟ ರೋಗಿಗಳ ಚಿಕಿತ್ಸೆಯಲ್ಲಿ ವೊರಾನಿಗೊ ಬಳಸಲಾಗುತ್ತದೆ. ಇದು ಮೆದುಳಿನ ಕ್ಯಾನ್ಸರ್ನ ಅಪರೂಪದ ಹಾಗೆಯೇ ಚಿಕಿತ್ಸೆ ಕಷ್ಟವಾದ ರೂಪಗಳಲ್ಲಿ ಒಂದಾಗಿದೆ.
ಸರ್ವಿಯರ್ ಇಂಡಿಯಾ ಭಾರತದಲ್ಲಿ ಈ ಔಷಧವನ್ನು ಕಡಿಮೆ ಬೆಲೆಗೆ ಲಭ್ಯವಾಗುವಂತೆ ಮಾಡಲು ಯೋಜನೆ ಮಾಡುತ್ತಿದೆ. ಭಾರತದಲ್ಲಿ ಈ ರೀತಿಯ ಮೆದುಳಿನ ಕ್ಯಾನ್ಸರ್ ಪ್ರಕರಣಗಳು ವರ್ಷಕ್ಕೆ ಸುಮಾರು 4,500 ಹೆಚ್ಚಾಗುತ್ತವೆ ಎಂಬ ಅಂದಾಜು ಇದೆ.
ಸಾಮಾನ್ಯ ಕೀಮೋಥೆರಪಿಯಿಂದ ಭಿನ್ನವಾಗಿ, ವೊರಾನಿಗೊ ಆರೋಗ್ಯಕರ ಕೋಶಗಳಿಗೆ ಹಾನಿ ಮಾಡದೇ, ಕ್ಯಾನ್ಸರ್ಗೆ ಕಾರಣವಾಗುವ IDH1/IDH2 ಜನ್ಯ ರೂಪಾಂತರಗಳನ್ನು ನಿರ್ಬಂಧಿಸುವ ಮೂಲಕ ಗಡ್ಡೆಯ ಬೆಳವಣಿಗೆಯನ್ನು ನಿಧಾನಗೊಳಿಸುತ್ತದೆ. ಇದರಿಂದ ರೋಗಿಗಳಿಗೆ ಕಡಿಮೆ ಬದ್ಧ ಪರಿಣಾಮಗಳೊಂದಿಗೆ ಉತ್ತಮ ಗುಣಮುಖತಾ ಅವಕಾಶ ದೊರೆಯುತ್ತದೆ.ಇದನ್ನು ಓದಿ –ಮೆಟ್ರೋ ಹಳದಿ ಮಾರ್ಗ : ಡಿ. 22ರಿಂದ 12 ನಿಮಿಷಕ್ಕೊಂದು ರೈಲು?
ಸರ್ವಿಯರ್ ಭಾರತದಲ್ಲಿ ಈಗಾಗಲೇ ರಕ್ತ ಕ್ಯಾನ್ಸರ್ ಚಿಕಿತ್ಸೆಗೆ ಟಿಬ್ಸೊವೊ ಎಂಬ ಮತ್ತೊಂದು ಪ್ರಮುಖ ಔಷಧವನ್ನು ಮಾರಾಟ ಮಾಡುತ್ತಿದೆ. ಹೊಸ ಔಷಧ ಲಭ್ಯತೆಯಿಂದ ಭಾರತೀಯ ಕ್ಯಾನ್ಸರ್ ಚಿಕಿತ್ಸಾ ಕ್ಷೇತ್ರಕ್ಕೆ ಮಹತ್ವದ ಬದಲಾವಣೆ ಬರಲಿದೆ ಎಂಬ ನಿರೀಕ್ಷೆ ಇದೆ.
