ಬೆಂಗಳೂರು, ಜೂನ್ 13 – 2006ರ ಏಪ್ರಿಲ್ 4ಕ್ಕೆ ಮೊದಲು ನೇಮಕಗೊಂಡಿದ್ದ ರಾಜ್ಯದ 13 ಸಾವಿರ ಎನ್ಪಿಎಸ್ (NPS) ನೌಕರರಿಗೆ ಹಳೆಯ ಡಿಫೈನ್ಡ್ ಪಿಂಚಣಿ ಯೋಜನೆ (OPS) ಮರು ಜಾರಿಗೆ ಕರ್ನಾಟಕ ಸರ್ಕಾರ ಮಹತ್ವದ ಆದೇಶ ಹೊರಡಿಸಿದೆ.
ಯೋಜನೆ ವಿವರ:
2006ರ ಏಪ್ರಿಲ್ 1ರಿಂದ ರಾಜ್ಯದಲ್ಲಿ ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಜಾರಿಗೆ ಬಂತು. ಈ ಯೋಜನೆಯಡಿ ನೌಕರರ ವೇತನದಿಂದ ಶೇಕಡಾ 10ರಷ್ಟು ಮತ್ತು ಸರ್ಕಾರದ ಶೇಕಡಾ 14ರಷ್ಟು ಕೊಡುಗೆ ಸೇರಿ ಹಣವನ್ನು ಪ್ರಾನ್ ಖಾತೆಗೆ ಜಮೆ ಮಾಡಲಾಗುತ್ತಿತ್ತು. ಈ ಪಿಂಚಣಿ ವ್ಯವಸ್ಥೆ ಅನ್ವಯ ಅನೇಕ ನೌಕರರು ಹೊಸ ಯೋಜನೆಯಡಿ ಸೇವೆ ನಡೆಸುತ್ತಿದ್ದರು.
ಆದರೆ, 2006ರ ಪೂರ್ವದಲ್ಲಿ ನೇಮಕಾತಿಗೆ ಸಂಬಂಧಪಟ್ಟ ಬ್ಯಾಕ್ಲಾಗ್ ಅಧಿಸೂಚನೆಯ ಮೂಲಕ 01.04.2006ರ ನಂತರ ಸೇವೆ ಪ್ರವೇಶಿಸಿದ 104 ನೌಕರರಲ್ಲಿ 102 ಮಂದಿ ಇನ್ನೂ ಸೇವೆಯಲ್ಲಿ ಇರುತ್ತಿದ್ದರೆ, 2 ಮಂದಿ ನಿವೃತ್ತರಾಗಿದ್ದಾರೆ. ಈ ನೌಕರರಿಗೆ ಹಳೆಯ ಪಿಂಚಣಿ ಯೋಜನೆ ಅನ್ವಯಿಸಲು ಸರ್ಕಾರ ಒಪ್ಪಿಗೆ ನೀಡಿದ್ದು, ಅವರಿಂದ 2024ರ ಜೂನ್ 30ರೊಳಗೆ ಅಭಿಪ್ರಾಯ ಪಡೆಯಲಾಗಿತ್ತು.
ನಂತರ ನಡೆದ ಕ್ರಮಗಳು:
ನೌಕರರ ಸಂಘಗಳು ಮತ್ತು ಎನ್ಪಿಎಸ್ ನೌಕರರ ಸಂಘಗಳ ಮನವಿಯಂತೆ, ನಗರಾಭಿವೃದ್ಧಿ ಇಲಾಖೆ ಮಾರ್ಗಸೂಚಿಗಳಂತೆ ಪ್ರಸ್ತಾವನೆ ಸಲ್ಲಿಸಿ, NPS ನಿಂದ OPS ಗೆ ವರ್ಗಾವಣೆ ಮತ್ತು ಅವರ PRAN ಖಾತೆಯಲ್ಲಿರುವ NPS ವಂತಿಗೆಗಳ ಹಿಂಪಡೆಯುವ ಬಗ್ಗೆ ನಿರ್ಧಾರ ಕೈಗೊಂಡಿದೆ. ಈ ಕುರಿತು 2025ರ ಏಪ್ರಿಲ್ 25ರಂದು ನಡೆದ ಮಂಡಳಿ ಸಭೆಯಲ್ಲಿ ಅಧಿಕೃತ ನಿರ್ಣಯ ಕೈಗೊಳ್ಳಲಾಗಿದೆ.ಇದನ್ನು ಓದಿ –ಅಹಮದಾಬಾದ್ ಏರ್ ಇಂಡಿಯಾ ವಿಮಾನ ದುರಂತ – ಮೃತರ ಸಂಖ್ಯೆ 274ಕ್ಕೆ ಏರಿಕೆ
ಆದೇಶ ಸಾರಾಂಶ:
ಈ ಹಿನ್ನೆಲೆಯಲ್ಲಿ, 2006ರ ಏಪ್ರಿಲ್ 1ಕ್ಕೂ ಮೊದಲು ಬ್ಯಾಕ್ಲಾಗ್ ನೇಮಕಾತಿಯ ಅಧಿಸೂಚನೆಯ ಮೂಲಕ ಆಯ್ಕೆಯಾದ ಮತ್ತು ನಂತರ ಸೇವೆ ಪ್ರವೇಶಿಸಿದ 104 ನೌಕರರನ್ನು ಹಳೆಯ OPS ಯೋಜನೆಗೆ ಒಳಪಡಿಸಿ, ಅವರ PRAN ಖಾತೆಯಲ್ಲಿನ ಹಣವನ್ನು ಹಿಂಪಡೆಯುವಂತೆ ಕ್ರಮ ತೆಗೆದುಕೊಳ್ಳಲು ಸರ್ಕಾರ ಅಧಿಕೃತ ಆದೇಶ ನೀಡಿದೆ.
