ಬೆಂಗಳೂರು, ಜೂನ್ 13: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಚಿನ್ನ ಮತ್ತು ಬೆಳ್ಳಿ ಆಧಾರಿತ ಸಾಲದ ನಿಯಮಗಳಲ್ಲಿ ಮಹತ್ವದ ಬದಲಾವಣೆಗಳನ್ನು ಜಾರಿಗೊಳಿಸಿದ್ದು, ಗ್ರಾಹಕರಿಗೆ ನೆರವಾಗುವಂತೆ ಹಾಗೂ ಸಾಲದಾತ ಸಂಸ್ಥೆಗಳಿಗೆ ಸ್ಪಷ್ಟತೆ ಸಿಗುವಂತೆ ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ. ಜೂನ್ 6 ರಂದು ಪ್ರಕಟಿಸಿದ ಈ ಹೊಸ ನಿಯಮಗಳು ವಾಣಿಜ್ಯ ಬ್ಯಾಂಕುಗಳು, NBFC ಗಳು, ಸಹಕಾರಿ ಬ್ಯಾಂಕುಗಳು ಮತ್ತು ವಸತಿ ಹಣಕಾಸು ಕಂಪನಿಗಳಿಗೆ ಅನ್ವಯವಾಗುತ್ತವೆ.
ಹೆಚ್ಚು ಗಮನಿಸಬೇಕಾದ ಪ್ರಮುಖ ಬದಲಾವಣೆಗಳು:
- ಚಿನ್ನದ ಆಭರಣದ ಮೇಲೆ ಗರಿಷ್ಠ 1 ಕಿಲೋ ಸೀಮಿತ:
ಗ್ರಾಹಕರು ಗರಿಷ್ಠ 1 ಕೆಜಿ ಚಿನ್ನದ ಆಭರಣವನ್ನು ಮಾತ್ರ ಅಡವಿಟ್ಟು ಸಾಲ ಪಡೆಯಬಹುದು. - ಚಿನ್ನದ ನಾಣ್ಯಗಳಿಗೆ 50 ಗ್ರಾಂ ಮಿತಿ:
ಚಿನ್ನದ ನಾಣ್ಯಗಳ ಮೂಲಕ ಸಾಲ ಪಡೆಯುವವರಿಗೆ ಗರಿಷ್ಠ 50 ಗ್ರಾಂದವರೆಗೆ ಮಾತ್ರ ಅವಕಾಶ ಇದೆ. - ಬೆಳ್ಳಿ ಆಭರಣಗಳಿಗೆ ಗರಿಷ್ಠ 10 ಕಿಲೋ ಮಿತಿ:
ಬೆಳ್ಳಿ ಆಭರಣವನ್ನು ಬಳಸಿಕೊಂಡು ಗರಿಷ್ಠ 10 ಕೆಜಿ ದಾಕಲಾತು ಮಾಡಬಹುದು. - ಬೆಳ್ಳಿ ನಾಣ್ಯಗಳಿಗೆ ಗರಿಷ್ಠ 500 ಗ್ರಾಂ:
ಬೆಳ್ಳಿಯ ನಾಣ್ಯಗಳು ಮಾತ್ರ 500 ಗ್ರಾಂವರೆಗೆ ಲಿಮಿಟ್ ಹೊಂದಿವೆ. - ಚಿನ್ನದ ಮೌಲ್ಯದ 85% ವರೆಗೆ ಸಾಲದ ಅವಕಾಶ:
ಈಗ ಲೋನ್-ಟು-ವ್ಯಾಲ್ಯೂ (LTV) ಮಿತಿಯನ್ನು 75%ರಿಂದ 85%ಕ್ಕೆ ಹೆಚ್ಚಿಸಲಾಗಿದೆ. ಉದಾಹರಣೆಗೆ, ₹1 ಲಕ್ಷ ಮೌಲ್ಯದ ಚಿನ್ನವಿದ್ದರೆ, ₹85,000 ವರೆಗೆ ಸಾಲ ಪಡೆಯಬಹುದಾಗಿದೆ. - ₹2.5 ಲಕ್ಷಕ್ಕಿಂತ ಕಡಿಮೆ ಸಾಲಗಳಿಗೆ ಕ್ರೆಡಿಟ್ ಮೌಲ್ಯಮಾಪನ ಅಗತ್ಯವಿಲ್ಲ:
ಈ ಗಡಿಗೆ ಒಳಪಟ್ಟ ಸಾಲಗಳಿಗೆ ಪೇಸ್ಲಿಪ್ ಅಥವಾ ಇತರ ಆದಾಯ ದಾಖಲೆಗಳನ್ನು ನೀಡಬೇಕಾಗಿಲ್ಲ, ಗ್ರಾಮೀಣ ಹಾಗೂ ಕಡಿಮೆ ಆದಾಯದ ಸಾಲಗಾರರಿಗೆ ಅನುಕೂಲ. - ಮರುಪಾವತಿಗೆ ಗರಿಷ್ಠ 12 ತಿಂಗಳ ಕಾಲಾವಧಿ:
ಬಡ್ಡಿ ಮತ್ತು ಅಸಲು ಮೊತ್ತವನ್ನು ಕೊನೆಯ ಹಂತದಲ್ಲಿ ಒಂದೇ ಬಾರಿಗೆ ಪಾವತಿಸುವ ‘ಬುಲೆಟ್ ಮರುಪಾವತಿ’ ವಿಧಾನಕ್ಕೆ 12 ತಿಂಗಳ ಕಾಲಾವಧಿಯ ಮಿತಿಯನ್ನು ನಿಗದಿ ಮಾಡಲಾಗಿದೆ.
ಉದ್ದೇಶ:
ಈ ಹೊಸ ನಿಯಮಗಳ ಮೂಲಕ ಆರ್ಬಿಐ ಉದ್ದೇಶಿಸಿರುವುದು — ಹೆಚ್ಚಿನ ಸಂಖ್ಯೆಯ ಜನರಿಗೆ ಸುಲಭವಾಗಿ ಸಾಲ ಲಭ್ಯವಾಗುವಂತೆ ಮಾಡುವುದು ಮತ್ತು ಚಿನ್ನ/ಬೆಳ್ಳಿ ಆಧಾರಿತ ಸಾಲ ವಹಿವಾಟಿನಲ್ಲಿ ಸ್ಪಷ್ಟತೆ ಹಾಗೂ ನಿಯಂತ್ರಣವನ್ನು ತರಬೇಕು ಎಂಬುದು.ಇದನ್ನು ಓದಿ –ಮುಂಗಾರು : ಮೂರು ದಿನ ಭಾರೀ ಮಳೆ, 6 ಜಿಲ್ಲೆಗಳಿಗೆ ರೆಡ್ ಅಲರ್ಟ್ ಪ್ರಕಟ
ಗ್ರಾಹಕರು ಬ್ಯಾಂಕುಗಳಿಗೆ ಭೇಟಿ ನೀಡುವ ಮೊದಲು ಈ ಮಾರ್ಗಸೂಚಿಗಳನ್ನು ಗಮನಿಸಿ ತಮ್ಮ ಅರ್ಹತೆ ಮತ್ತು ಮಿತಿಗಳನ್ನು ಚೆಕ್ ಮಾಡಿಕೊಳ್ಳುವುದು ಅನಿವಾರ್ಯ.
