- ಧರಾಲಿ ಗ್ರಾಮ ಜಲಪ್ರಳಯದಲ್ಲಿ ಸಿಲುಕಿ ನಾಶ, 60ಕ್ಕೂ ಹೆಚ್ಚು ಮಂದಿ ಗಾಡಿ ಹೊತ್ತ ಹೋದ ಶಂಕೆ
ಡೆಹ್ರಾಡೂನ್: ಉತ್ತರಾಖಂಡದ ಉತ್ತರಕಾಶಿ ಜಿಲ್ಲೆಯಲ್ಲಿ ಭೀಕರ ಮೇಘಸ್ಫೋಟ ಸಂಭವಿಸಿ ಜಲಪ್ರಳಯ ಉಂಟಾಗಿದೆ. ಈ ಘಟನೆಯಲ್ಲಿ ಧರಾಲಿ ಎಂಬ ಊರಿನ ಪ್ರಾಯಶಃ ಸಂಪೂರ್ಣ ನೆಲಸಮವಾಗಿದ್ದು, ಸುಮಾರು 60ಕ್ಕೂ ಹೆಚ್ಚು ಮಂದಿ ಪ್ರವಾಹದಲ್ಲಿ ಕೊಚ್ಚಿ ಹೋಗಿರುವ ಶಂಕೆ ವ್ಯಕ್ತವಾಗಿದೆ.
ಖೀರ್ ಗಂಗಾ ಭಾಗದಲ್ಲಿ ಸುರಿದ ಭಾರೀ ಮಳೆಯು ರೌದ್ರಾವತಾರ ತಾಳಿದ್ದು, ಬೆಟ್ಟದ ಮೇಲಿಂದ ಏಕಾಏಕಿ ಹೊಳೆದಂತೆ ಬಂದ ನೀರು ಪೂರ್ಣಗಾತ್ರದ ನದಿಯಂತೆ ಹರಿದು ಇಡೀ ಗ್ರಾಮವನ್ನು ತನ್ನ ಹೊಟ್ಟೆಯಲ್ಲಿ ಉಳುಮೆಯಂತಾಗಿದೆ. ಅನೇಕ ಮನೆಗಳು, ಅಂಗಡಿಗಳು, ವಾಹನಗಳು ಈ ಭೀಕರ ಪ್ರವಾಹದಲ್ಲಿ ನಾಶಗೊಂಡಿವೆ.
ಸ್ಥಳಕ್ಕೆ ಎನ್ಡಿಆರ್ಎಫ್ ಹಾಗೂ ಎಸ್ಡಿಆರ್ಎಫ್ ಸಿಬ್ಬಂದಿ ತಕ್ಷಣ ದೌಡಾಯಿಸಿದ್ದು, ರಕ್ಷಣಾ ಕಾರ್ಯಾಚರಣೆ ತೀವ್ರವಾಗಿ ಮುಂದುವರೆದಿದೆ. ಪ್ರವಾಹದ ಭೀಕರ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಜನರ ಗರ್ಜನೆ, ಕಿರುಚಾಟ, ಭೀತಿಯ ಸಂದರ್ಭಗಳನ್ನೊಳಗೊಂಡ ವೀಡಿಯೋಗಳು ವೈರಲ್ ಆಗಿವೆ.ಇದನ್ನು ಓದಿ –ನಟಿ ರಮ್ಯಾ ಗೆ ಅಶ್ಲೀಲ ಮೆಸೇಜ್ : 48 ಐಪಿ ವಿಳಾಸ ಪತ್ತೆ ಹಚ್ಚಿದ ಸಿಸಿಬಿ
ಈ ಸಂಬಂಧ ಉತ್ತರಾಖಂಡದ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಅವರು ಕೂಡ ಘಟನೆಯ ಬಗ್ಗೆ ಮಾಹಿತಿ ಪಡೆದಿದ್ದು, ಮೇಘಸ್ಫೋಟದಿಂದ ದೊಡ್ಡ ಮಟ್ಟದ ಹಾನಿಯಾಗಿದೆ ಎಂದು ತಿಳಿಸಿದ್ದಾರೆ. ಸ್ಥಳದಲ್ಲೇ ಪರಿಹಾರ ಹಾಗೂ ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
