ಬೆಂಗಳೂರು: ಗೃಹಲಕ್ಷ್ಮಿ ಯೋಜನೆಯ ಅಡಿಯಲ್ಲಿ ಫಲಾನುಭವಿಗಳಿಗೆ ಶೀಘ್ರದಲ್ಲೇ ಏಪ್ರಿಲ್ ಮತ್ತು ಮೇ ತಿಂಗಳ ಹಣವನ್ನು ಖಾತೆಗೆ ಜಮಾ ಮಾಡಲಾಗುವುದು ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ತಿಳಿಸಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮಾರ್ಚ್ ತಿಂಗಳು ಹಣ ಬಿಡುಗಡೆ ಆಗಿದ್ದು, ಏಪ್ರಿಲ್ ಹಾಗೂ ಮೇ ತಿಂಗಳ ಹಣ ಜಮೆಯಾಗಿಲ್ಲ. ಮಾರ್ಚ್ ತಿಂಗಳು ಸಾಲಿನ ಕೊನೆಯದಾಗಿದ್ದರಿಂದ ಹಣ ಬಿಡುಗಡೆಗೆ ತಾಂತ್ರಿಕ ಸಮಸ್ಯೆಗಳು ಉಂಟಾಗಿದ್ದವು. ಈಗ ಎಲ್ಲವೂ ಸರಿಯಾಗಿದ್ದು, ಬೇಗನೆ ಉಳಿದ ತಿಂಗಳ ಹಣ ಫಲಾನುಭವಿಗಳ ಖಾತೆಗೆ ಜಮಾ ಮಾಡಲಾಗುತ್ತದೆ ಎಂದರು.
ಇದೀಗ ಫಲಾನುಭವಿಗಳು ತಮ್ಮ ಖಾತೆಗೆ ಹಣ ಬಂದಿದೆಯೇ ಎಂದು ಡಿಜಿಟಲ್ ಮಾರ್ಗದಲ್ಲಿ ತಪಾಸಣೆ ಮಾಡಬಹುದು. ಈ ಕೆಳಗಿನ ಹಂತಗಳನ್ನು ಅನುಸರಿಸಿ ನಿಮ್ಮ ಹಣದ ಸ್ಥಿತಿಯನ್ನು ಚೆಕ್ ಮಾಡಬಹುದು:
ಹಣ ಬಂದಿದೆಯೆಂದು ಹೀಗೆ ಪರಿಶೀಲಿಸಿ:
ಹಂತ 1: ಮೊಬೈಲ್‌ನಲ್ಲಿ Google Play Store ತೆರೆಯಿರಿ. DBT Karnataka ಎಂಬ ಆ್ಯಪ್ ಅನ್ನು ಸರ್ಚ್ ಮಾಡಿ, ಡೌನ್‌ಲೋಡ್ ಮಾಡಿ.
ಹಂತ 2: ಆ್ಯಪ್ ಓಪನ್ ಮಾಡಿದ ನಂತರ, ಫಲಾನುಭವಿಯ ಆಧಾರ್ ನಂಬರ್ ನಮೂದಿಸಿ, Get OTP ಕ್ಲಿಕ್ ಮಾಡಿ.
ಹಂತ 3: ಓಟಿಪಿ ಬಂದ ಮೇಲೆ ಅದನ್ನು ನಮೂದಿಸಿ, Verify OTP ಕ್ಲಿಕ್ ಮಾಡಿ.
ಹಂತ 4: ನಂತರ 4 ಅಂಕಿಯ mPIN ಆಯ್ಕೆಮಾಡಿ, Confirm ಮಾಡಿ, Submit ಕ್ಲಿಕ್ ಮಾಡಿ.
ಹಂತ 5: ಹೋಮ್ ಪೇಜ್‌ನಲ್ಲಿ Payment Status ಕ್ಲಿಕ್ ಮಾಡಿ. ಇಲ್ಲಿಂದ ಗೃಹಲಕ್ಷ್ಮಿ ಯೋಜನೆಯಡಿ ಹಣ ಬಂದಿದೆಯೇ ಎಂಬುದನ್ನು ನೋಡಬಹುದು.
ಹಂತ 6: ಜೊತೆಗೆ Seeding Status of Aadhaar in Bank Account ಕ್ಲಿಕ್ ಮಾಡಿ, ನಿಮ್ಮ ಆಧಾರ್ ಯಾವ ಬ್ಯಾಂಕ್ ಖಾತೆಗೆ ಲಿಂಕ್ ಆಗಿದೆ ಎಂಬ ಮಾಹಿತಿಯೂ ತಿಳಿದುಕೊಳ್ಳಬಹುದು.
ಇದನ್ನು ಓದಿ –ಕರ್ನಾಟಕದಲ್ಲಿ ಜೂನ್ 8ರವರೆಗೆ ಸಾಧಾರಣ ಮಳೆಯ ಮುನ್ಸೂಚನೆ
ಸಚಿವರ ಆಶ್ವಾಸನೆಯಂತೆ, ಫಲಾನುಭವಿಗಳಿಗೆ ಬೇಗನೆ ಹಣ ಜಮಾ ಆಗುವ ನಿರೀಕ್ಷೆಯಿದೆ. ಯೋಜನೆಯ ಸದುಪಯೋಗ ಪಡೆಯಲು ಫಲಾನುಭವಿಗಳು ತಮ್ಮ ಡಿಜಿಟಲ್ ಸ್ಥಿತಿಯನ್ನು ನಿಯಮಿತವಾಗಿ ಪರಿಶೀಲಿಸುತ್ತಿರುವುದು ಉತ್ತಮ.
