- ಕಾವೇರಿ ಜಲಾನಯನ ಪ್ರದೇಶದಲ್ಲಿ ಭಾರೀ ಮಳೆ
ಮಂಡ್ಯ: ಕಾವೇರಿ ಜಲಾನಯನ ಪ್ರದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ ಸುರಿದ ಭಾರೀ ಮಳೆಯ ಪರಿಣಾಮ, ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣ ತಾಲ್ಲೂಕಿನ KRS ಅಣೆಕಟ್ಟೆಯಲ್ಲಿ ಮೂರು ಅಡಿ ನೀರಿನ ಹೆಚ್ಚಳ ದಾಖಲಾಗಿದೆ.
ಈ ಹಿಂದೆ ಕೇವಲ 350 ಕ್ಯುಸೆಕ್ ಒಳಹರಿವು ಇದ್ದು, ಇದೀಗ ಮಳೆಯ ಕಾರಣದಿಂದಾಗಿ ಒಳಹರಿವು ಹಠಾತ್‌ವಾಗಿ 19,129 ಕ್ಯುಸೆಕ್‌ಗೆ ಏರಿಕೆಯಾಗಿದೆ. ಇದರಿಂದಾಗಿ 24 ಗಂಟೆಗಳ ಅವಧಿಯಲ್ಲಿ ಸುಮಾರು 2 ಟಿಎಂಸಿ ನೀರು ಜಮೆಯಾಗಿದ್ದು, ಡ್ಯಾಂದಲ್ಲಿ ಮೂರು ಅಡಿ ನೀರಿನ ಮಟ್ಟ ಹೆಚ್ಚಾಗಿದೆ.
ಮುಂಗಾರು ಆರಂಭದಲ್ಲೇ ಈ ಮಟ್ಟದ ಮಳೆಯಾಗುತ್ತಿರುವುದು ಹಲವು ವರ್ಷಗಳ ಬಳಿಕ ಕಂಡುಬರುತ್ತಿದೆ. ಮೇ ತಿಂಗಳಲ್ಲಿ ಈ ಮಟ್ಟದ ಒಳಹರಿವು ಅಪರೂಪವಾದದ್ದು. ಇದರಿಂದಾಗಿ ರೈತರು ಸಂತೋಷಗೊಂಡಿದ್ದು, ಈ ಬಾರಿ ಕೆಆರ್‌ಎಸ್ ಡ್ಯಾಂ ಹೆಚ್ಚು ತ್ವರಿತವಾಗಿ ಭರ್ತಿಯಾಗುವ ಸಾಧ್ಯತೆ ಇದೆ ಎಂಬ ನಿರೀಕ್ಷೆ ಮೂಡಿದೆ.
ಕೆಆರ್‌ಎಸ್ ಡ್ಯಾಂ ನಿನ್ದಿನ ಸ್ಥಿತಿ
- ಗರಿಷ್ಠ ಮಟ್ಟ: 124.80 ಅಡಿ
- ಇತ್ತೀಚಿನ ನೀರಿನ ಮಟ್ಟ: 92.00 ಅಡಿ
- ಸಂಗ್ರಹ ಸಾಮರ್ಥ್ಯ: 49.452 ಟಿಎಂಸಿ (ಕನ್ನಂಬಾಡಿ ಕಟ್ಟೆ)
- ಪ್ರಸ್ತುತ ಸಂಗ್ರಹ: 17.163 ಟಿಎಂಸಿ
- ಒಳಹರಿವು: 19,129 ಕ್ಯುಸೆಕ್
- ಹೊರಹರಿವು: 354 ಕ್ಯುಸೆಕ್
ಇದನ್ನು ಓದಿ –ಕೋಲಾರದಲ್ಲಿ ದೇಶದ ಮೊದಲ ಖಾಸಗಿ ಹೆಲಿಕಾಪ್ಟರ್ ಘಟಕ
ಕಾವೇರಿ ನಿರ್ಧಾರ ಪ್ರಾಧಿಕಾರದ ಅಭಿಪ್ರಾಯಕ್ಕೂ ಅನುಗುಣವಾಗಿ ಮುಂಗಾರು ಆರಂಭದಲ್ಲೇ ಉತ್ತಮ ಮಳೆಯಾಗುತ್ತಿರುವುದು ಕೆಆರ್‌ಎಸ್ ಹಾಗೂ ಇತರ ಜಲಾಶಯಗಳಿಗೆ ಶಕ್ತಿಯುತ ರೀತಿಯಲ್ಲಿ ಒಳಹರಿವನ್ನು ಒದಗಿಸುತ್ತಿದ್ದು, ಈ ವರ್ಷ ಕೃಷಿ ಹಾಗೂ ಕುಡಿಯುವ ನೀರಿನ ಪೂರೈಕೆಗೆ ಒಳ್ಳೆಯ ನಿರೀಕ್ಷೆ ನೀಡುತ್ತಿದೆ.
