ಸತ್ವ, ರಜೋ, ತಮಸ್ಸು , ಗುಣಗಳ
ಸಮತೋಲನ ಹೊಂದಿರವವಳೇ “ಸ್ತ್ರೀ”!
ಜೊತೆಯಲಿರುವವರ ಜತನದಲಿ ಕಾಪಾಡುವಳು “ಸ್ತ್ರೀ”!
ಸೃಷ್ಟಿಗೆ,ಅಸ್ಥಿತ್ವಕ್ಕೆ,ಪುನರಜ್ಜೀವನಕೆ,ಕಾರಣ,”ಸ್ತ್ರೀ”!
ಮಾನಸಿಕವಾಗಿ, ಪುರುಷರಿಗಿಂತಲೂ ಸಬಲೆ,”ಸ್ತ್ರೀ”!
ಅಂಗಳದಲ್ಲಿ ಸಂಡಿಗೆ ಹಾಕುವುದರಿಂದ, ಅಂತರಿಕ್ಷದಲ್ಲಿ ಹಾರಾಡುವುದಕ್ಕೂ ಸೈ,”ಸ್ತ್ರೀ”!
ಬಸಿರಿಗೆ ಬಿದ್ದ ಕ್ಷಣದಿಂದಲೂ,ಬದುಕುವ ಸಂಸ್ಕಾರ, ಅಲ್ಲಿಂದಲೇ ಕಲಿಸುವಳು,” ಸ್ತ್ರೀ”!
ಗರ್ಭದಿಂದ ಬಂದ ಮಗುವ ಗಗನದೆತ್ತರಕೆ ಬೆಳೆಸುವ ಛಲಗಾತಿ,”ಸ್ತ್ರೀ”!
ಸಸಿಯಿಂದಲೂ,ವಿಶ್ರಮಿಸದೆ, ಕಸಿಮಾಡುವಳು,ಸದ್ವಿಚಾರಗಳ ಪೋಷಿಸಿ,”ಸ್ತ್ರೀ”!
ವಿದ್ಯಾದೇವತೆ,ವಾಗ್ದೇವಿ,”ಸ್ತ್ರೀ”!
ವೇದಮಾತೆ ಗಾಯತ್ರಿ,”ಸ್ತ್ರೀ”!
ಧನಕನಕಾದಿ ದೇವತೆ ಲಕ್ಷ್ಮಿ,”ಸ್ತ್ರೀ”!
ಶಕ್ತಿಯ ಅಧಿದೇವತೆ ದುರ್ಗ,”ಸ್ತ್ರೀ”!
ಭಾರತ ಮಾತೆ, ಪ್ರಕೃತಿ ಮಾತೆ, ಭೂ ಮಾತೆ, ಗೋ ಮಾತೆ,”ಸ್ತ್ರೀ!”
ಕತ್ತಿ-ಗುರಾಣೆ ಹಿಡಿದು ಶತೃಗಳ ಕೆಣಕಿದವಳು,”ಸ್ತ್ರೀ”!
ಮೆತ್ತಗಿನ ಗುಣದಲ್ಲಿ,ಸುತ್ತ ಎಲ್ಲರ ಗೆದ್ದವಳೂ,”ಸ್ತ್ರೀ”!
ವೈವಿಧ್ಯ, ವೈಶಿಷ್ಯದ ಪ್ರತೀಕ,”ಸ್ತ್ರೀ”!
ಸೌಂದರ್ಯದ ಪ್ರತೀಕ,
ಪುರುಷರ ಪ್ರೇರಕ ಶಕ್ತಿ,”ಸ್ತ್ರೀ!”
ಅವಳ ಆದರಿಸಿ, ಎಂದು ಕೇಳುವ ಪರಿಸ್ಥಿತಿ!
ಇನ್ನೂ ಉಳಿದಿದ್ದಾಳೆ ,
ಆಕೆ ಅನುಭವಿಸುತ,ದಯನೀಯ ಸ್ಥಿತಿ!
ಪುರುಷ-ಪ್ರಕೃತಿ, ಸರಿಸಮನಾಗಿದ್ದಾಗ ತಾನೇ ಸೃಷ್ಟಿಯಲ್ಲಿ,ಸಮಸ್ಥಿತಿ!
ಯಾಕಿಲ್ಲ, ಇಷ್ಟು ಮಾತ್ರ ಲೋಕದಲ್ಲಿ, ಸಂಸ್ಕ್ೃತಿ??
ಪ್ರತಿಯೊಬ್ಬರ ಬಾಳಿನಲ್ಲೂ ,”ಸ್ತ್ರೀ”ಯರ ಪಾತ್ರ ಬಹಳ ಮಹತ್ವದ್ದು!
ಅವಳಿರುವಿಕೆಯಿಂದಲೇ, ಬದುಕಾಗುವು ಚೈತನ್ಯವು!
ಅವಳ ಗೌರವದಿ ನಡೆಸಿಕೊಳ್ಳುವುದು, ಎಲ್ಲರ ಜವಾಬ್ದಾರಿ!
ಇಲ್ಲದಿರೆ,ನಿಮ್ಮ ಪತನಕ್ಕೆ, ನೀವೇ ಕಂಡುಕೊಳ್ಳುವಿರಿ ದಾರಿ!
ಯಾಕೆಂದರೆ,”ಯತ್ರ ನಾರ್ಯಸ್ತು ಪೂಜ್ಯಂತೇ, ರಮಂತೇ ತತ್ರ ದೇವತಾ:!”
ಹೇಳಿರುವುದಲ್ಲ,”ಸ್ತ್ರೀ!”
ಸ್ತ್ರೀ ತತ್ವದ ಮಹತ್ವವರಿತ,
“ಮಹಾ ಪುರುಷ”ರೀ!
ಮಹಿಳೆಯ ಗೌರವದಿಂದ ಕಾಣುವ, ಎಲ್ಲ ಪುರುಷರಿಗೂ, ಮಹಿಳೆಯರಿಗೂ, ವಿಶ್ವ ಮಹಿಳಾ ದಿನದ ಶುಭಾಷಯಗಳು!
ರೂಪ ಮಂಜುನಾಥ
ಹೊಳೆನರಸೀಪುರ.
