ಅಹಮದಾಬಾದ್: ಭಾರತದ ವಿಮಾನಯಾನ ಇತಿಹಾಸದಲ್ಲಿ ದುಃಖದ ಅಧ್ಯಾಯವಾಗಿರುವ ಅಹಮದಾಬಾದ್ ಏರ್ ಇಂಡಿಯಾ ವಿಮಾನ ದುರಂತದ ಕುರಿತು ವಿಮಾನ ಅಪಘಾತ ತನಿಖಾ ಬ್ಯೂರೋ (AAIB) ತನ್ನ ಪ್ರಾಥಮಿಕ ವರದಿಯನ್ನು ಬಹಿರಂಗಪಡಿಸಿದೆ. ಕಳೆದ ಜುಲೈ 12 ರಂದು ನಡೆದ ಈ ಭೀಕರ ಅಪಘಾತದಲ್ಲಿ 260 ಜನರು ಜೀವ ಕಳೆದುಕೊಂಡರು.
AAIB 15 ಪುಟಗಳ ವರದಿಯಲ್ಲಿ ಬಹುಮುಖ್ಯ ಅಂಶಗಳನ್ನು ಬಹಿರಂಗಪಡಿಸಿದ್ದು, ದುರಂತಕ್ಕೆ ಕಾರಣವಾದ ತಾಂತ್ರಿಕ ಮತ್ತು ಮಾನವೀಯ ಅಂಶಗಳ ಜಾಲವೊಂದನ್ನು ವಿವರಿಸಲಾಗಿದೆ.
Contents
ವರದಿಯ ಮುಖ್ಯಾಂಶಗಳು:
- ಬೋಯಿಂಗ್ 787 ಡ್ರೀಮ್ಲೈನರ್ ವಿಮಾನ ಟೇಕ್ ಆಫ್ ಆದ ತಕ್ಷಣವೇ ಎರಡು ಎಂಜಿನ್ಗಳಿಗೆ ಇಂಧನ ಪೂರೈಕೆ ಸ್ಥಗಿತಗೊಂಡಿದೆ.
- ಕಾಕ್ಪಿಟ್ ಧ್ವನಿಯಲ್ಲಿದ್ದ ಸಂಭಾಷಣೆಯಲ್ಲಿ, ಪೈಲಟ್ ಒಬ್ಬರು: “ನೀವು ಕಟ್ ಆಫ್ ಮಾಡಿದ್ದೇನು?” ಎಂದು ಕೇಳಿದರೆ, ಮತ್ತೊಬ್ಬರು “ನಾನು ಮಾಡಿಲ್ಲ” ಎಂದು ಉತ್ತರಿಸುತ್ತಾರೆ.
- ಟೇಕ್ ಆಫ್ ಆದ ಮೂರನೇ ಸೆಕೆಂಡ್ ಗೆ ಎರಡೂ ಎಂಜಿನ್ಗಳ ಫ್ಯುಯೆಲ್ ಕಂಟ್ರೋಲ್ ಸ್ವಿಚ್ಗಳು “ರನ್” ಇಂದ “ಕಟ್ ಆಫ್” ಗೆ ಬದಲಾದ್ದರಿಂದ ಥ್ರಸ್ಟ್ ಕಡಿಮೆಯಾಯಿತು.
- ವಿಮಾನ 8 ಡಿಗ್ರಿ ಮೂಗು ಮೇಲ್ಮುಖ ಸ್ಥಿತಿಯಲ್ಲಿದ್ದರೂ, ಎಂಜಿನ್ಗಳ ಸಕ್ರಿಯತೆ ಇಲ್ಲದ ಕಾರಣ ಏರಲು ಸಾಧ್ಯವಾಗಿಲ್ಲ.
- ತಾಂತ್ರಿಕ ದೋಷ ಅಥವಾ ಅನಾಹುತದಿಂದ ಸ್ವಿಚ್ಗಳು ಆಫ್ ಆಗಿರಬಹುದು ಎಂಬ ಸಂಭಾವನೆ ವ್ಯಕ್ತವಾಗಿದೆ.
ತುರ್ತು ಕ್ರಮಗಳು:
- ಎಂಜಿನ್–1 ಅನ್ನು ಮರುಪ್ರಾರಂಭಿಸಲು ಪ್ರಯತ್ನಿಸಲಾಯಿತು ಮತ್ತು ಅದು ಯಶಸ್ವಿಯಾಯಿತು.
- ಆದರೆ ಎಂಜಿನ್–2 ಪುನರಾರಂಭ ಸಾಧ್ಯವಾಗಿಲ್ಲ.
- ಈ ಸ್ಥಿತಿಯಲ್ಲಿ, ವಿಮಾನದಲ್ಲಿ ಸ್ಥಾಪಿತವಿರುವ ರ್ಯಾಮ್ ಏರ್ ಟರ್ಬೈನ್ (RAT) ಎಂಬ ತುರ್ತು ವಿದ್ಯುತ್ ಸಾಧನವನ್ನು ಸಕ್ರಿಯಗೊಳಿಸಲಾಯಿತು.
- RAT ಕೆಲಸ ಮಾಡಲು ಪ್ರಾರಂಭಿಸಿದರೂ, ಎಲ್ಲ ಅಗತ್ಯ ವ್ಯವಸ್ಥೆಗಳಿಗೆ ವಿದ್ಯುತ್ ಪೂರೈಕೆ ಸಂಪೂರ್ಣವಾಗಿ ನಿರ್ವಹಿಸಲು ಸಾಧ್ಯವಾಗಲಿಲ್ಲ.
ಕೊನೆಯ ತುರ್ತು ಕರೆ:
- 08:09:05 ಯುಟಿಸಿ ಸಮಯದಲ್ಲಿ, ವಿಮಾನವು ಧರೆಗುರುಳುವ ಕೆಲವೇ ಕ್ಷಣಗಳ ಮೊದಲು ಪೈಲಟ್ “Mayday” ಕರೆ ನೀಡಿದ್ದರು.
- ಆದರೆ ಈ ತುರ್ತು ಕರೆಗೆ ಪ್ರತಿಕ್ರಿಯಿಸಲು ಸಮಯ ಸಾಕಾಗಿಲ್ಲ.
ಈ ವರದಿ ಆಧಾರಿತವಾಗಿ, ವಿಮಾನಯಾನ ಇಲಾಖೆ ಹಾಗೂ ಏರ್ ಇಂಡಿಯಾ ಅಧಿಕಾರಿಗಳು ಮುಂದಿನ ತನಿಖೆ ಹಾಗೂ ಭದ್ರತಾ ಕ್ರಮಗಳನ್ನು ಹೆಚ್ಚು ಗಂಭೀರವಾಗಿ ಕೈಗೊಳ್ಳಬೇಕಿದೆ. ದುರಂತದ ತೀವ್ರತೆಯು ಇಡೀ ದೇಶವನ್ನು ಬೆಚ್ಚಿಬೀಳಿಸಿದ್ದರೆ, ಇದೀಗ ವರದಿಯ ಮಾಹಿತಿಗಳು ಮತ್ತಷ್ಟು ಆಘಾತ ಮೂಡಿಸುತ್ತಿವೆ.
